8 айлық сәбиімен бірге көз жұмды: Түркияда жас отбасы қайғылы жағдайда қаза тапты

Түркияның Невшехир қаласында қайғылы жағдай орын алды: жас отбасы пештің ақауынан шыққан көмірқышқыл газынан уланып көз жұмды, деп хабарлайды Arasha.kz.

Қаза тапқандар – 27 жастағы Сефер Доғантекин, оның жұбайы Азиме Доғантекин және олардың 8 айлық ұлы Мустафа Эфе Доғантекин. Туыстары отбасы хабарсыз кеткен соң дабыл қағып, жедел қызмет шақырған. Оқиға орнына жеткен мамандар оларды тіршілік белгісінсіз тапқан.

Ең ауыр сәт – жерлеу рәсімі болды. Марқұмның ағасы, имам Фатих Доғантекин өз бауыры, келіні және жиеніне жаназа намазын өзі шығарған. Алайда дұға оқу кезінде қайғыға шыдамай, есінен танып қалған.

Бұл трагедия Түркия қоғамында үлкен резонанс тудырып, қыс мезгілінде көмірқышқыл газынан улану қаупі туралы тағы бір мәрте еске салды.