Адамнан адамға жұғатын хантавирус жайлы Дүниежүзілік денсаулық сақтау ұйымы жаңа мәлімет жариялады

Дүниежүзілік денсаулық сақтау ұйымы (ДДҰ) дүйсенбі күні лайнерге байланысты хантавирустың жеті жағдайы расталғанын, тағы екі жағдайдың тексеріліп жатқанын айтады, – деп хабарлайды Aikyn.kz сайты.

АҚШ Денсаулық сақтау министрлігі круиз жолаушыларын елге жеткізген рейсте болған тағы бір америкалық азаматтан аурудың жеңіл белгілері анықталғанын мәлімдеді. Екі жолаушы да «аса сақтық шаралары» ретінде АҚШ-қа арнайы биоқорғаныс камераларымен жеткізілген.

Францияның денсаулық сақтау министрі Стефани Рист Парижде карантинге алынған әйелдің жағдайы нашарлап бара жатқанын айтты. Қазіргі уақытта онымен байланыста болған 22 адам анықталған.

Лайнердегі сапардан кейін үш жолаушы көз жұмған. Олардың екеуінен хантавирус расталған.

ДДҰ мәліметінше, індетті алғаш жұқтырды деп болжанған адам тестілеуден өтпей тұрып қайтыс болған.

Сонымен қатар, вирус жұқтырған Ұлыбританияның тағы екі азаматы қазір Нидерланд пен Оңтүстік Африкада ем қабылдап жатыр.

Хантавирус жұқтырған жолаушылары бар круиздік лайнер Канар аралдарына жеткен. Қазіргі уақытта жолаушыларды эвакуациялау жұмысы жүргізіліп жатыр.

Мамандардың айтуынша, хантавирустар көбіне кеміргіштер арқылы таралады. Бірақ ДДҰ «Андес» штаммы адамнан адамға жұғуы мүмкін екенін жоққа шығармайды. Ұйымның болжамынша, нидерландтық лайнердегі кейбір жолаушылар вирусты Оңтүстік Америкада жүрген кезінде жұқтырған болуы мүмкін.