Air Astana апатты есікті ашқан жолаушыдан 23 млн теңге шығын талап етті
Qazaq24.com, Azh.KZ дереккөзінен алынған ақпаратқа сүйене отырып жаңалық таратады..
Ашық дереккөзден алынған сурет
Air Astana әуе компаниясы рейс кезінде апатты шығу есігін өз бетімен ашқан Қазақстан азаматына қарсы сотқа жүгініп, одан 23 миллион теңгеден астам материалдық шығынды өтеуді талап етті. Бұл туралы ақпаратты Қызылорда қалалық соты жариялады.
Оқиға Астана–Алматы бағытындағы рейс қонып, трапты күтіп тұрған сәтте орын алған. Жолаушы әйел экипаждың нұсқауынсыз апатты шығу есігін ашып жіберген, салдарынан ұшақтағы үрлемелі эвакуациялық трап өздігінен іске қосылған.
Сот деректері бойынша, апатты трап тек төтенше жағдайларда қолданылуы тиіс. Оны жоспардан тыс іске қосу компанияға 22 995 936 теңгенің шығынын алып келген – трапты толықтай ауыстыру қажет болған.
Сот тараптарға татуласу мүмкіндігін ұсынып, медиациялық келісімге келуге уақыт берген. Нәтижесінде екі жақ бітімге келді: жолаушы 2025 жылдың 20 қарашасына дейін 6 698 426 теңге өтемақы төлеуге міндеттелді. Ал Air Astana бастапқы талап еткен толық сомадан бас тартты.
Сот медиациялық келісімді бекітіп, іс жүргізуді тоқтатты.
Бүгін, 16:15
Бұл тақырыптағы басқа жаңалықтар:
Көрілімдер:37
Бұл хабарлама дереккөзден мұрағатталған 14 Қараша 2025 17:29 



Кіру
Жаңалықтар
Ауа райы
Магниттік дауылдар
Намаз уақыты
Қымбат металдар
Валюта конвертері
Кредит есептегіш
Криптовалюта бағамы
Жұлдыздар
Сұрақ - Жауап
Интернет жылдамдығын тексеріңіз
Қазақстан радиосы
Қазақстан телевизиясы
Біз туралы








Ең көп оқылғандар



















