Айжұлдыздың әкесін әлі ұмытқан жоқпын... : Жанар Айжанова жастық шағын есіне алып, жылап қалды (видео)

Отандық фильмді тамашалаған Жанар Айжанова көзіне жас алып, әсерін бөлісті, – деп жазды Aikyn.kz.  

Әнші фильмде өзінің өміріне ұқсас тұстар көп екенін айтып, жастық шағын есіне алды.

"Маған ұнағаны – менің өміріме ұқсас жерлері көп екен. Бізде осындай жастық шақ болды. Барлығы шынайы. Біз дүние, ақша қуалаған жоқпыз. Өмірімнің ұмытылып бара жатқан тәтті сәттері есіме түсті. Көп нәрсе қамтылған. Махаббаттың қадірін түсінбей жүргендер ойланатын болады. Кинода фальш жоқ. Мен сендім, көзімнен жас та шығып кетті. Махаббатты ұмыту деген қиын іс. 35 жылдай болып қалды. Мен әлі күнге дейін Айжұлдыздың әкесін ұмытқан жоқпын. Жесір әйелдің де өмірі қамтылған, режиссерге басымды иемін. Мұны жастар да, үлкендер де көреді", - дейді Жанар Айжанова. 

Желі қолданушылары әншіге қолдау білдірді. 

«Бұйырған зат кетпейді» деп дұрыс айтасыз, сол үшін әр адам өзінің махаббаты үшін күресуі керек деп ойлаймын», «Менің де тағдырыма ұқсас тұстары бар екен. Егер уақыт кері айналып келсе, ол кісіге жолықпас едім деп ойлаушы ем. Қазір ойым өзгерді, шүкір, рақмет, мәңгі сүйіп өтемін...», «Мен де өзімді көргендей болдым. Бізде де махаббатымыз осындай қиыншылықтарға толы болды. Соның бәрін жеңдік. Шынайы махаббатты сезіндім. Тоқтай алмай жыладым енді. Енді Құдай қосқан қосағыммен бірге қартайсақ деймін», - деп жазды желі қолданушылары.

Сараптама, зерттеу мақала, күнделікті өзекті ақпаратты «Айқынның» TELEGRAM  арнасынан табасыз.