Ұлы тұлғалар жастық шағын қалай өткізді?

Талант табиғатының тамыры – еңбек. Әдебиет пен мәдениет саласындағы ұлы тұлғалар еңбекке ерте жастан етін үйреткен. Ұлы туындыларды ақ семсер кезінде жазып қалдыруға тырысқан. Уақыт пен күштің мол шағын барынша тиімді пайдалануға барын салған. Назарларыңызға тарихи тұлғалардың жастықтың жалқын қуатымен жасаған еңбектерін ұсынамыз.

И. Гете «Жас Вертердің қасіретін» жазғанда 25 жаста болатын.

Ал орыс халқының ұлы ақыны Александр Пушкин 20 жасында «Руслан мен Людмила» дастанын жазды.

Кемеңгер композитор Амадей Моцарт бес жасынан музыка жазып, жеті жасында пианинода концерт қойған. Ал 6 жасында әкесімен еріп Аустрия, Германия, Франция, Италия көшелерінде өнер көрсетеді. Ал 11 жасқа келгенде опера авторы болып үлгереді. Кербестінің кекіліндей 36 жыл ғұмырында Моцарт артына орасан шығарма қалдырды. Атап айтсақ, 17 опера, 40-тан астам симфония, 20 фортепиано, 7 скрипкаға арналған концерттер және тағы да көптеген шығармалар жазды.

Исаак Ньютон 18 жасында әлемдегі тартылыс заңын дәлелдеп шыққан.

Б. Паскаль 16 жасында өзінің есімімен аталатын әйгілі заңды ашқан да, 18 жасында қосу амалын орындайтын есептеу машинасын қарастырған.

Жиһанкез Шоқан Уәлиханов атақты Қашқария саяхатына 23 жасында шыққан.

«Тынық Дон» романының бірінші кітабы дүниеге келгенде оның авторы М. А. Шолохов 23 жастағы балғын жігіт еді.

Заңғар жазушы Мұхтар Омарханұлы Әуезов «Еңлік-Кебек» пьесасын 21 жасында жазды.

Қазақ халқының бұлбұлы Күләш Байсейітова 24 жасында СССР Халық әртісі атағын иемденді.

Қазіргі күнде де еліміздің жас таланттары биік белестерге шығып жатыр. Төрткүл дүниені әнімен тамсантқан Димаш Құдайберген 29 жасында Халық әртісі атаған алды.