Жетісу облысында бір отбасының үш баласы өрттен көз жұмды фото

АЛМАТЫ, 26 қыркүйек - Sputnik. Жетісу облысы Ескелді ауданы Бақтыбай ауылында бір отбасының үш баласы өрттен қаза болды. Тілсіз жаудан төрт бірдей отбасы зардап шеккен. Оқиға туралы Sputnik Қазақстан тілшісіне тұрғындар айтып берді.
Қайғылы оқиға 25 қыркүйек таңғы сағат жеті шамасында болған. Өртенген - 4 отбасы тұратын барақ үй.

© Sputnik/Айдана ДайыроваЖетісу облысында бір отбасының үш баласы өрттен көз жұмды

Жетісу облысында бір отбасының үш баласы өрттен көз жұмды

© Sputnik/Айдана Дайырова

"Таңғы жеті жарымда қызым екеуіміз үйде ұйықтап жатқанбыз. Көрші Айгерім деген келіншек "Тәте, тәте, үйім өртеніп жатыр, көмектесші" деп терезені жанұшыра қақты. Жүгіріп шықсақ, бөлменің терезесінен түтін шығып жатыр екен", - дейді көршісі Салтанат Мұхиева.

© Sputnik/Айдана ДайыроваЖетісу облысында бір отбасының үш баласы өрттен көз жұмды

Жетісу облысында бір отбасының үш баласы өрттен көз жұмды

© Sputnik/Айдана Дайырова

Терезесі сәл ашық тұрған бөлмеде үш бала ұйықтап жатқан.
"Диван жанып жатыр деді. "Үйге кірсеңші, өшір тез" деп ем, "үйде құбыр істемейді, су жоқ" деді. Қызым екеуіміз жүгіріп су әкеп беріп ек, Айгерім қорқып, есіктен кіре алмады. Түтін шығып жатқан терезені ашып, ішке су шашты. Арғы терезені сындырып еді, іште қысылып тұрған түтін он минутта жанып кетті", - дейді көршісі.
Үйде қалған баланың бірін бір көршісі сыртқа алып шыққан.
"Ол кезде балалар түтінге тұншығып өліп кеткен болуы керек, бірде-бір дыбыс шықпады. Жаңағы көрші жігіт терезеден 5 жасар баланы сыртқа лақтырып жіберді. Бірақ бала өлі болды, қалған екі бала өртенген үйде қалып қойды", - дейді Салтанат Мұхиева.

© Sputnik/Айдана ДайыроваЖетісу облысында бір отбасының үш баласы өрттен көз жұмды

Жетісу облысында бір отбасының үш баласы өрттен көз жұмды

© Sputnik/Айдана Дайырова

Оқиға орнына өрт сөндірушілер жедел жеткен.
"Өрт сөндірушілердің өзі өртті әрең өшіріп, үйге кіргенде екі бала жанып кетіпті. 1 жастағы, 8 жастағы екі баланың күйіп кеткен мәйітін алып шықты. Ал 14 жастағы бала есіктен қашып шыққан", - дейді көршісі.
Марқұм болған үш баланың әкесі қалада жұмыс істейді, оқиға болған күні таңетең жұмысқа кеткен.
Өрттен жалпы төрт отбасы зардап шекті. Бір үй толық өртеніп, екі үйдің төбесі құлаған, төртінші үйдің төбесі құлауға шақ тұр.

© Sputnik/Айдана ДайыроваЖетісу облысында бір отбасының үш баласы өрттен көз жұмды

Жетісу облысында бір отбасының үш баласы өрттен көз жұмды

© Sputnik/Айдана Дайырова

"Түнде үйімізге қона алмадық, төбе опырылып басып қала ма деп. Жергілікті әкім менің қолымнан келмейді, аудандық әкімдік шешеді деді. Қыс көзі қарауда далада қалатын болдық, өзіміз зейнеткерміз", - дейді Салтанат Мұхиева.
Бүгін үш баланы жер қойнына тапсырды. Анасының хәлі мүшкіл дейді туыстары.

© Sputnik/Айдана ДайыроваЖетісу облысында бір отбасының үш баласы өрттен көз жұмды

Жетісу облысында бір отбасының үш баласы өрттен көз жұмды

© Sputnik/Айдана Дайырова

"Қызым мен күйеу балам жас отбасы бағдарламасымен үй аламыз деп қанша тырысты, оған қаражаты жетпеді. Бір ғана күйеу балам жұмыс істейді, оның табысы ипотека рәсімдеуге жетпейді. Амалсыз тапқан баспаналары сол болған", - дейді марқұм балалардың нағашы атасы.
Оқиғаға қатысты облыстық әкімдік те, төтенше жағдайлар департаменті де мемлекеттік ресми ақпарат бермеді.

© Sputnik/Айдана ДайыроваЖетісу облысында бір отбасының үш баласы өрттен көз жұмды

Жетісу облысында бір отбасының үш баласы өрттен көз жұмды

© Sputnik/Айдана Дайырова