Алматыда Әмина апаның балалар үйі өртке оранды

ҚР ТЖМ баспасөз қызметінің мәліметінше, 9 қарашада сағат 15:48-тен бастап өрт сөндірушілер Наурызбай ауданы, Алтын Орда көшесі бойында орналасқан ғимараттағы өртті сөндіруде.

Zakon.kz мәліметінше, өрт балалар үйі территориясында орналасқан асханадан шыққан.

Балалар үйінің әкімшілігі ғимаратта адамдардың жоқ екенін, балалар дер кезінде эвакуацияланғанын, олар алыс қашықтықта орналасқанын нақтылайды. Зардап шеккендер туралы ақпарат түскен жоқ.

Публикация от СМИ zakon.kz (@zakon.kz)

"Зардап шеккендер туралы ақпарат түскен жоқ. Өртке қарсы қызмет жоғары дабыл белгісімен әрекет етіп, жұмыс істеуде. Төрт өрт ошағы анықталды, газ беру жедел тоқтатылды. Өрт сөндіру автосатысы құрылып, ол арқылы өртті сөндіру үшін оқпандар жеткізілді. Автоцистерналар гидранттарға орнатылып, судың үздіксіз берілуі қамтамасыз етілді. Оқиға орнында газ-түтіннен қорғау қызметінің звеносы да жұмыс істеуде, олар ғимарат ішінде барлау және өрт сөндіруді жүзеге асыруда. Жедел штаб құрылды, жағдай тұрақты бақылауда. Өрт орнына Алматы қаласы әкімдігінің "Алматы Тазалық" КММ техникасы келіп жетті. Олар өрт сөндірілгеннен кейін аумақты тазалайтын болады". ҚР ТЖМ баспасөз қызметі

Министрлік оқиға орнында қалалық ТЖД басшысы барын, ол жағдайды жеке бақылауына алғанын да нақтылайды.