Алматыда безгектің сырттан әкелінген жағдайы тіркелді

Алматыда Африкадан оралған әйелден безгек анықталды. Оқиға наурызда тіркелген. Қазіргі уақытта мамандар эпидемиологиялық тексеріс жүргізіп жатыр, сондықтан оның жағдайы мен жұқтыру мән-жайы туралы мәлімет берілмей отыр, деп хабарлайды TengriHealth.

Алматыда Африкадан оралған әйелден безгек анықталды. Оқиға наурызда тіркелген. Қазіргі уақытта мамандар эпидемиологиялық тексеріс жүргізіп жатыр, сондықтан оның жағдайы мен жұқтыру мән-жайы туралы мәлімет берілмей отыр, деп хабарлайды TengriHealth.

Не болды?

ДСМ Қоғамдық денсаулық сақтау ұлттық орталығы мәліметіне сәйкес, соңғы бес жыл ішінде елімізде безгектің 13 сырттан әкелінген жағдайы анықталған. Олардың басым бөлігі тропикалық түріне жатады.

Эпидемиологиялық тексеру нәтижелері көрсеткендей, тіркелген барлық жағдайда науқастар безгек таралған елдерге сапар алдында алдын алу шараларын, яғни химиопрофилактиканы жүргізбеген.

Химиопрофилактика – бұл жұқтыру қаупі жоғары аймақтарға барар алдында дәрігердің кеңесімен безгекке қарсы арнайы дәрілерді қабылдау. Мұндай дәрілер сапарға дейін, сапар барысында және елге оралғаннан кейін белгілі бір уақыт бойы қабылданады. Бұл әдіс жұқтырған маса шаққан жағдайда да аурудың дамуын болдырмауға көмектеседі.

Мамандардың айтуынша, халықаралық туризмнің артуы мен еңбек көші-қонының күшеюі жағдайында тропикалық паразиттік аурулардың елімізге сырттан, әсіресе Африка, Оңтүстік-Шығыс Азия, Латын Америкасы елдерінен әкеліну қаупі бар.

Қазақстандықтарда бұл инфекцияларға қарсы арнайы иммунитеттің болмауы қауіп деңгейін арттырады. Сондықтан сырттан әкелінген бір ғана жағдайдың өзі аурудың ауыр өтуіне әкелуі мүмкін.

"Безгек – аса қауіпті жұқпалы аурулардың бірі. Ауру дер кезінде анықталып, ем жүргізілмесе, асқынуға, тіпті өлімге әкелуі мүмкін", - делінген орталық хабарламасында.

Алдын алу шаралары москит тор мен репелленттерді пайдалану; жабық киім кию; жәндіктерді жоюға арналған спрей қолдану; жалаңаяқ жүрмеу; жағажайда төсеніш немесе шезлонг пайдалану.

Мамандар ауру белгілері бірден пайда болмауы мүмкін екенін ескертеді — кейде сапардан бірнеше апта немесе бірнеше ай өткен соң байқалуы мүмкін. Дене қызуы көтеріліп, қалтырау, әлсіздік немесе бас ауруы болса, тез арада дәрігерге қаралып, басқа елге барып келгеніңізді міндетті түрде айту керек.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Следите за нашими новостями в Google News

Подписаться