Алматыда бос жұмыс орындары жәрмеңкесі қашан және қайда өтеді?

Алматының Арбат аумағында, Жібек жолы мен Панфилов көшелерінің қиылысында 15 қыркүйек сағат 15:00-де Еңбек күні мен Алматы қаласының күніне орай жалпықалалық бос жұмыс орындары жәрмеңкесі өтеді, – деп хабарлайды Aikyn.kz.

Іс-шараны Алматы қаласының Еңбек мобильділігі орталығы Алматы қаласы әкімдігі мен Жұмыспен қамту және әлеуметтік бағдарламалар басқармасының қолдауымен ұйымдастырады.

Жәрмеңкеге 100 жұмыс беруші қатысып, 400-ден астам бос жұмыс орнын ұсынады. Бұл ретте 2 500-ге жуық адамды жұмыспен қамтуға мүмкіндік бар.

Іс-шара барысында жұмыс іздеушілер жұмыс берушілермен тікелей кездесіп, бос жұмыс орындары, еңбек жағдайы, жалақы деңгейі, әлеуметтік кепілдіктер және кәсіби даму мүмкіндіктері туралы ақпарат ала алады. Сондай-ақ, жұмыспен қамту саласындағы мемлекеттік қолдау шаралары мен кәсіптік оқыту бағдарламалары бойынша кеңес беріледі.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.