Алматыда нөмірсіз Toyota көлігін мінген 19 жастағы жүргізуші полициядан қашпақ болды

Оқиғаның мән-жайын 2026 жылғы 21 қазанда Алматы қалалық полиция департаментінің баспасөз қызметі мәлімдеді.

"Таңғы сағат 4:30-да Бостандық ауданында "Буран-421" экипажы мемлекеттік нөмірі жоқ Toyota көлігін байқаған. Жүргізуші тоқтау туралы талапқа бағынбай, полициядан қашуға тырысқан. Ол көлік қозғалысы көп көшелермен жоғары жылдамдықпен жүрген. Патрульдік полиция қызметкерлері Ходжанов көшесінде көліктің жолын бөгеп, қауіпті қозғалысты тоқтатты", – деп хабарлады полиция.

Рөлде Алматының 19 жастағы тұрғыны болғаны анықталды. Ол көлік басқарудан шеттетіліп, автомобиль арнайы айып тұрағына қойылды.

Жүргізуші бірнеше құқық бұзушылық бойынша жауапқа тартылды.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

Алматы полициясы жолда өзіне шамадан тыс сенімділік танытып, жауапкершіліктен жалтаруға тырысудың орынсыз екенін атап өтті. Жол қозғалысына қатысушылардың қауіпсіздігіне қатер төндіретін кез келген әрекет ауыр зардаптарға әкелуі мүмкін.

Айта кетейік, 2026 жылғы 21 қазанда Алматы полицейлері Алматы облысындағы Есік қаласынан келген отбасының ұлын кептеліске қарамастан шұғыл түрде ауруханаға жеткізуіне көмектескені белгілі болды.