Алматыда өрт сөндірушілер дәмханадағы түнгі өртті сөндірді

Алматыда 112 пультіне қаланың Жетісу ауданындағы Дегтярев көшесінде орналасқан ғимараттан өрт шыққаны туралы хабарлама келіп түскен, деп хабарлайды Tengrinews.kz ТЖМ-ге сілтеме жасап.

Алматыда 112 пультіне қаланың Жетісу ауданындағы Дегтярев көшесінде орналасқан ғимараттан өрт шыққаны туралы хабарлама келіп түскен, деп хабарлайды Tengrinews.kz ТЖМ-ге сілтеме жасап.

Шақырту бойынша жеткен өртсөндірушілер дәмхананың ашық жалынмен жанып жатқанын анықтаған.

"Автоцистерналар дереу жақын маңдағы, шамамен 100 метр қашықтықта орналасқан өрт гидранттарына қойылып, судың үздіксіз берілуі қамтамасыз етілді", - делінген ТЖМ хабарламасында.

Көрші үйдің екі тұрғыны қауіпсіз қашықтыққа шығарылды.

"Қабылданған жедел шаралардың арқасында өрт сөндірілді. Сөндіру барысында жанып жатқан дәмханадан 5 газ баллоны сыртқа шығарылды, бұл ықтимал жарылыстың алдын алуға мүмкіндік берді", - деп мәлімдеді өртсөндірушілер.

Құтқарушылар өрттің көршілес жеке үйлерге көшуіне жол бермеген. Өрттің шығу себебі анықталып жатыр.