Алматыда Жириновскийге ескерткіш тақта орнату ұсынылды

Ресей Мемлекеттік думасындағы ЛДПР фракциясы жетекшісінің орынбасары Сергей Леонов Қазақстанға жұмыс сапары барысында ресейлік саясаткер Владимир Жириновскийдің Алматыдағы туып-өскен үйге барды. Парламентші бұл ғимараттың қасбетіне мемориалдық тақта орнатуды ұсынды, - деп хабарлайды Tengrinews.kz тілшісі "Петербургский Дневник" басылымына сілтеме жасап.

Ресей Мемлекеттік думасындағы ЛДПР фракциясы жетекшісінің орынбасары Сергей Леонов Қазақстанға жұмыс сапары барысында ресейлік саясаткер Владимир Жириновскийдің Алматыдағы туып-өскен үйге барды. Парламентші бұл ғимараттың қасбетіне мемориалдық тақта орнатуды ұсынды, - деп хабарлайды Tengrinews.kz тілшісі "Петербургский Дневник" басылымына сілтеме жасап.

"Бұл үйге Владимир Вольфович Жириновскийдің туғанына 80 жыл толар мерейтой қарсаңында келгенімнің өзіндік мәні бар. Әрине, ғимараттың қасбетіне ұлы ресейлік саясаткердің осы жерде дүниеге келгенін көрсететін естелік тақта орнатылса, құба-құп болар еді. Сонда бұл тарихи үй туралы білетіндер көбейіп, жұрт саясаткердің өмір жолымен жақынырақ таныса түсер еді", - деді Леонов.

2025 жылы бірқатар ресейлік БАҚ-та 2026 жылы Алматыда Жириновскийге ескерткіш ашылатыны туралы ақпарат жарияланған болатын.

Алматы қаласының мәдениет басқармасы сол кезде Tengrinews.kz сауалына берген жауабында Жириновскийге ескерткіш орнату туралы өтініштер түспегенін мәлімдеген еді.

Владимир Жириновский 1946 жылы 25 сәуірде Алматыда көпбалалы отбасында дүниеге келген. Ломоносов атындағы ММУ-дың Шығыс тілдері факультетін "түрік тілі мен әдебиеті" мамандығы бойынша бітірген. Сонымен қатар, Марксизм-ленинизм университетінің халықаралық қатынастар факультетінде білім алған.

Жириновский Ресей Федерациясы Федералдық жиналысы Мемлекеттік думасының төменгі палатасы құрылған күннен бастап, өмірінің аяғына дейін (2022 жылғы 6 сәуір) сегіз шақырылым депутаты және Мемлекеттік думадағы ЛДПР фракциясының жетекшісі болды.

ОБСУЖДАЕТСЯ СЕЙЧАС

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

“Өкінемін, кінәлімін“: Қостанайда полицейге шабуыл жасағандар кешірім сұрады

02 сәуір 14:44 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Google News арқылы жаңалықтарымызды қадағалаңыз