Қарағандыда философ Төлеуғазы Әбжанов тұрған үйге ескерткіш тақта орнатылды

Қарағандыда белгілі философ Төлеуғазы Әбжанов тұрған үйге ескерткіш тақта орнатылды.

Биыл ғалым 90 жасқа толар еді. Мерейтойға орай Ебіней Бөкетов атындағы Қарағанды ұлттық зерттеу университетінде халықаралық ғылыми-тәжірибелік конференция өтті. Төлеуғазы Әбжанов бірқатар ғылыми еңбектің авторы. Оның «Адамға қарай бет бұрсақ», «Ойлау тарихының белестері», «Қысқаша философия тарихы» атты зерттеулері студенттер арасында әлі күнге таптырмас құрал. Конференцияда ғалымның өмір жолы, тұлғалық қыры, философиялық тұжырымдары туралы «Көрнекті ойшыл ұлағатты ұстаз» атты жинағы жарық көрді. 

Омар Жәлел, филология ғылымдарының кандидаты, абайтанушы:

- Философия деген сөздің мағынасын осы Төлеуғазы ағамыз дәрістерінде түсіндіретін. «Фио» дегенмізі махаббат, «софия» дегеніміз даналық деп түсіндіретін. Сөйтіп, біз 3-курстан бастап сол кісінің соңынан еріп, кафедрада қалдым, аспирантура бітірдім, осы өмірде жеткен жетісітктерімнің барлығы үшін осы кісіге мен қарыздармын. Еркін ойлы, экзитенциялық философтарды, институтционалистерді біз осы Төлеуғазы ұстазымыздың айтуымен оқыдық.