Алматыкітап баспасы оқушылар мен мұғалімдерге сыйлық жасады

«Алматыкітап» баспасы оқушылар мен ұстаздарға жаңажылдық сыйлық жасады.

Бүгін Алматы қаласы мен Алматы облысының 80 мектебіне заманауи TopIQ мобильді станциясы табысталды. Бірегей құрылғы шалғайдағы шағын мектептерге үлестірілді. Жобаның негізгі мақсаты – Қазақстан Республикасы Президентінің «Кітап оқитын ұлт» бастамасын қолдау.

TopIQ мобильді станциясы білім беруге арналған заманауи көмекші. Әрқайсысы 400 мың теңге тұратын мобильді станциялар Алматы облысының шалғай әрі шағын 40 мектебіне берілді. Сыйлықтар салтанатты түрде табысталды.

Диана Онбырбаева, Алматы облысы білім басқармасы басшысының орынбасары:

- Балаларымыздың кітап оқуға деген құштарлығын арттырады. Олардың танымын, қызығушылығын арттырады, деген сондай ойдамыз. Енді ғажайып сый болды біздің балаларға. Сондықтан Алматы облысы білім басқармасы атынан осы Алматыкітап баспасына осындай керемет, бала үшін жасап жатқан жақсылығына біз алғысымыз шексіз.

TopIQ мобильді станциясына 400-ге жуық оқулық пен әдеби кітап жүктелген. Оған қосымша бейнематериалдар, аудиоконтент, мультфильмдер, интерактивті тапсырмалар мен тесттер енгізілген. Ал, Qamqor интеллектуалды көмекшісі сабақ жоспарларын әзірлеуге және ұйымдастыруға көмектеседі.

Гауһар Саймасаева, "Алматыкітап" баспасының президенті:

- «Алматыкітап» баспасы TopIQ.kz платформасын 5 жыл бойы мына республикада енгізіп жатырмыз. Сол платформа осы станцияға қондырылды. Платформа ол мұғалімдерге арналған, балаларға арналған, оқулықтарға жасанды интеллект енгізілген платформа бойынша сабақты жүргізуге болады.

Алматы қаласындағы мектептерге де 40 мобильді станциясы табысталды. «Алматыкітап»  баспасы ел бойынша жалпы саны 1000 мобильді станция тарту етеді.

Аршын Кемелжан, Кенже Амраев