Кітап баспасы қосымша құн салығынан босатылады

Келер жылдан бастап кітап баспасы қосымша құн салығынан босатылады, деп хабарлайды 24KZ. Бұл мемлекет тарапынан бірден бір қолдау. Айта кетерлігі, мұндай салықтан нотариус, жеке сот орындаушысы, адвокат пен кәсіби медиаторлар да салық салмайды. Steppe & world баспасының негізін қалаушы Раиса Қадыр қосымша құн салығынан босату креативті экономикаға оң ықпалын тигізетінін айтады.  

Раиса Қадыр, креативті индустрия жөніндегі сарапшы, баспагер:

- Ол өте жақсы деген сөз. Өйткені кітап дегеніміз – креативті индустриямыздың фундаменті. Кітаптан басталады, кітаптағы хикаядан басталады. Сөз болып, сөйлем болып, мәтін болып шығады. Мәтіннен ол спектакль болып, мүмкін пьеса қойылады. Спектакльден кейін ол мүмкін фильм болып шығады. Кейін арасында анимация болып шығады деген сияқты. Соның бәрінің фундаменті кітапқа тіреледі.

Креативті индустрияны қолдау

Былтырдан бастап креативті индустриядағы кәсіпкерліктің 40 түріне салықтық жеңілдік берілгенін айта кеткен жөн. Яғни бөлшек сауда салығы бойынша арнайы салық режимі іске қосылды. Осылайша кәсіпкерлер корпоративтік табыс, жеке табыс және қосылған құн салығын төлеуден босатылды. Тек жеке кәсіпкерлер 2%-тен 4%-ке дейінгі, ал жауапкершілігі шектеулі серіктестіктер 8% мөлшерінде бірыңғай салық төлеуге міндеттелген еді.