Қазақстанда 3 мыңнан астам дәрі дәрмек қосымша құн салығынан босатылды

АСТАНА, 14 қаңтар – Sputnik. Биыл 3 мыңнан астам дәрі-дәрмек қосымша құн салығынан босатылды, бұл туралы Денсаулық сақтау министрлігі хабарлады.

Олардың 1200-і орфандық және әлеуметтік маңызы бар ауруларды емдеуге арналған. Сондай-ақ олар көтерме және бөлшек саудада сату кезінде қосымша құн салығы болмайды.

"Сондай-ақ сирек және әлеуметтік маңызы бар ауруларды емдеу, диагностикалау, алдын алу және оңалту бойынша медициналық қызметтерге қосымша құн салығы салынбайды. Қосымша қосымша құн салығынан тегін медициналық қызметтердің кепілдік берілген көлемі және міндетті әлеуметтік медициналық сақтандыру шеңберінде дәрілік заттарды өндіру үшін пайдаланылатын импортталатын фармацевтикалық субстанциялар босатылады", - деп хабарлады ведомство.

Бұдан басқа, жаңа салық кодексіне сәйкес дәрі-дәрмектер мен медициналық бұйымдарды көтерме және бөлшек саудада сату кезінде ҚҚС төмендетілген мөлшерлемесі қолданылады. Биыл қаңтардан бастап ҚҚС мөлшерлемесі 5 %, ал 2027 жылғы 1 қаңтардан бастап 10% құрайды.

Сонымен қатар Денсаулық сақтау министрлігі Бәсекелестікті қорғау және дамыту агенттігімен бірлесіп, рецепт бойынша дәрі-дәрмекті реттеу мерзімін 2027 жылдың 1 қаңтарына дейін ұзарту туралы шешім қабылдады.

Ведомствода және салада бірқатар заң бұзушылық анықталған. 2025 жылы шекті бағаны бұзудың 28 фактісі анықталып, 5,7 миллион теңгеге әкімшілік құқықтық қатынастардың хаттамалары жасалды.