Алматылық дәрігерлер науқастың ішінен салмағы 25 кг тартатын ісік алды

АЛМАТЫ, 20 наурыз – Sputnik. Алматыда дәрігерлер науқастың өмірін сақтап қалған бірегей ота жасады, деп хабарлайды денсаулық сақтау министрлігі.

Салмағы шамамен 25 келі болатын ісік бірнеше ай бойы өскен, бірақ әйел медициналық көмекке жүгінбей, дәстүрлі емес әдістермен емделген.

"1957 жылы туған науқас шамамен алты аптадан екі айға дейін ауырған. Осы уақыт ішінде ол жақсаруға үміттеніп, әртүрлі тағамға қосылатын биологиялық белсенді қоспаларды қабылдаған. Алайда ешқандай нәтиже болмаған - ісік тез өсе берген", - дейді министрлік.

Туыстары әйел өз жағдайын жасырып, тіпті қоспаларды сатып алу үшін кредит алғанын айтқан. Жағдайы нашарлағаннан кейін ғана науқас Алматы онкологиялық орталығына онкохирургия бөлімінің меңгерушісі Нұрлан Балтаевқа қаралған.

"Компьютерлік томография арқылы тексеру кезінде құрсақ қуысы мен жамбас қуысында көлемі 55×35 сантиметр алып ісік анықталды", - дейді дәрігерлер.

Олар шұғыл ота жасау туралы шешім қабылдаған. Ота шамамен 2-2,5 сағатқа созылған. Алынған ісіктің салмағы 25 килограмға жуықтайды. Зерттеу нәтижесі ісіктің қатерлі екенін көрсетті.

Қазіргі уақытта науқас химиотерапиядан өтіп жатыр және мамандардың бақылауында.