Алматылықтар неге хабарлама алды: ТЖМ түсіндіріп берді

Министрлік мәліметінше, сейсмодатчиктер Қырғызстан аумағында сейсмикалық оқиғаны тіркеген, бұл қала тұрғындары мен инфрақұрылым үшін қауіп төндірмеген.

"Сейсмикалық оқиға туралы хабарлама автоматты түрде жасалған. Хабарлама дұрыс келді, бұл қате емес, жүйенің тестілеу режиміндегі жұмысының бөлігі. Ұлттық сейсмологиялық бақылау және зерттеу орталығының датчиктері мен құрал-жабдықтарын MassAlert жүйесімен интеграциялау жұмысы жалғасуда. Мамандар барлық жағдайды анықтау үшін сейсмостанциялар мен датчиктерді зерттеуде", – делінген ТЖМ хабарламасында.

Министрлік алдағы уақытта хабарламалар тұрғындарға барынша нақты әрі түсінікті жетуін қамтамасыз ету үшін параметрлер мен алгоритмдерді реттеуге бағытталғанын айтты. Алматы тұрғындары хабарламаны сағат 12:21-де телефондарына алған.

21 қыркүйекте сағат 16:25-те Алматы тұрғындарына жер сілкінісі туралы шұғыл хабарлама келіп, қалада сілкініс сезілмеген. Кейін хабарламаның датчиктер арқылы тіркелген сейсмикалық оқиғаға байланысты автоматты түрде жіберілгені белгілі болған.