Алтын еденде шашылып жатты астыртын цехтың видеосын АФМ көрсетті

Ақмола облысында алтын өңдейтін жасырын цех анықталды. Желіде видео жарияланды, деп хабарлайды Tengrinews.kz.

Қаржылық мониторинг агенттігінің мәліметінше, адамдар тобы Шортанды ауданы аумағында бағалы металдарды заңсыз өндірумен айналысқан.

Жедел-іздестіру шаралары барысында құрамында алтыны бар кенді өңдеуге және бағалы металдарды бөліп алуға арналған жасырын цех анықталды.

"Кенді ұсақтауға және балқытуға арналған жабдық, салмағы 446 грамм алтын құймасы, 4 тонна алтын құрамды материал, 6 келі сынап, сондай-ақ 2 миллион теңгеден аса және 8 мың АҚШ доллары көлеміндегі ақшалай қаражат тәркіленді", - деп хабарлады Қаржылық мониторинг агенттігі.

Тінту барысында қару мен оқ-дәрілер табылған. Қазіргі уақытта заңсыз қызметке қатысы бар барлық тұлға, сондай-ақ заңсыз өндірілген бағалы металдардың көлемі анықталып жатыр. Ұйымдастырушы қамауға алынды. Тергеу жалғасып жатыр.

Қазақстан Республикасы Қылмыстық-процестік кодексінің 201-бабына сәйкес өзге ақпарат жарияланбайды.

Тағы оқыңыз: Заңды ЖШС ретінде алтын өндірген: полиция ШҚО-дағы схеманың жолын кесті

Google News арқылы жаңалықтарымызды қадағалаңыз