Анджелина Джоли Украинадағы сапары туралы айтты

Белгілі голливудтық актриса әлеуметтік желіде Украинадағы майданға жақын аймақтарға жасаған сапарынан алған әсерлерімен бөлісті. Анджелина Джоли Николаев пен Херсон қалаларында болған, деп хабарлайды Arasha.kz.

Ол дрондардың тұрақты шабуыл қаупінде өмір сүріп жатқан отбасылармен кездескен.

«Біз тоқтап, дронның ұшып өткенін күттік. Мен қорғаныс киімін киіп тұрдым, ал олар мұндай жағдайды күн сайын бастан кешіреді», — деді актриса.

Соғыс жағдайында мектептер, емханалар, тіпті балабақшалар да жертөлелерде жұмыс істеп тұр. Джолидің айтуынша, украиндарды физикалық қауіптен бөлек, әлем тарапынан ұмыт қаламыз ба деген қорқыныш та мазалайды.

Актриса сонымен қатар Судан, Газа, Йемен, Конго Демократиялық Республикасы және басқа да аймақтардағы бейбіт тұрғындардың да зардап шегіп жатқанын атап өтті.

«Егер жергілікті еріктілердің күші жетіп жатса, үкіметтер де әрекет етуі керек», — деп жазды Джоли.

Бірнеше күн бұрын актрисаны Херсонда көргені туралы хабарланған. Сол кезде БАҚ оның жергілікті ауруханаға барып, дәрігерлермен және перзентханада аналармен кездескенін жазды.

Ресми расталмаған деректерге сүйенсек, Николаев қаласында актрисаның көліктер тізбегін блок-бекетте тоқтатып, оның күзетшісін әскери комиссариатқа әкетпек болған. Анджелина Джоли бұл жағдайға өзі араласып, күзетшіні босатып алған.