Ақмола облысында 70 жастағы зейнеткер балық аулаймын деп қаза тапты

Ақмола облысы Шортанды ауданында балық аулауға шыққан 70 жастағы зейнеткер қаза тапты. Балық аулап отырған жерінің мұзы жарылып, қария суға батып кетті, - деп хабарлайды Аikyn.kz

Қайғылы оқиға Ақмола облысы Шортанды ауданында болған. Өзенді енді ғана мұз басқан кезде қария балық аулауға барған. Кенеттен отырған жерінің мұзы жарылып, қарт суға батып кеткен. Өкінішке қарай, қарияны суық судан ешкім құтқара алмады.

Құтқарушылардың айтуынша, су бетіндегі мұздың қалыңдығы небәрі 5 сантиметр болған. Балық аулауға қауіпсіз қалыңдық кем дегенде екі есе көп болуы тиіс.

- "Қазгидромет " қараша айының соңына дейін құбылмалы ауа райын болжап отыр. Осыған байланысты мұздың үстінде емін-еркін жүретіндей судың беті қатты қатая қоймаған. Сондықтан барлық балық аулау әуесқойларға абайлауын, ал ата-аналарға балаларын мұзға шығармауын сұраймыз", - деді Ақмола облысы ТЖД ресми өкілі Ерсайын Қойшыбаев.