Ақмола облысында егін орағы аяқталды

24.KZ парақшасынан алынған деректерге сүйене отырып, Qazaq24.com мәлімдеме жасады..

Ақмолалық диқандар кезекті рекорд жаңартты.

Өңірде егін орағы аяқталып, шаруалар 7,6 миллион тонна өнім жинады. Бұл былтырмен салыстырғанда 1,5 миллион тоннаға көп. Егіннің орташа өнімділігі гектарынан 16 центнерден шықты.

Аймақ диқандары үшін 2025 жыл берекелі болды. Астық бітік шықты. Бұған ең алдымен қолайлы ауа райы мен агротехнологияларды дұрыс пайдалану себеп. Владимир Балашов биыл 4 мың гектарға дән сеуіп, 7 мың тоннаға жуық өнім жинады. Ал келер жылға 540 тонна тұқым қорын дайындады.

Владимир Балашов, шаруа:

- Егін орағына тиянақты дайындалдық. Төрт жарым гектар алқапты үш аптада жинап үлгердік. Көрші шаруашылықтарға да көмектестік. Астықтың биылғы сапасы жаман емес. Мемлекеттік қолдау арқасында жиын-терім уақытылы аяқталды.

Егін шығымы әр жерде әртүрлі. Мысалы, Бурабай мен Сандықтау аудандарында гектарынан 50-60 центнерден өнім жинаған шаруашылықтар бар. Жалпы облыс бойынша 5,5 млн гектар алқапқа дән сіңірілді. Егістікті әртараптандыру нәтижесінде майлы дақылдар үлесі екі жарым есе артты.

Нұрбек Бадырақов, ауыл шаруашылығы басқармасының басшысы:

- Қазіргі таңда біздің астық қабылдау кәсіпорындарына түскен дәнді-дақылдардың 75 пайызы жоғары, үшінші классты бидайлар болып табылады. Және жоғары бағамен сатылатын хайпро бидайлары. Жалпы облыста сыйымдылығы 7,2 млн тонна құрайтын астық сақтау қоймалары бар.

Биыл шаруалар мемлекет тарапынан 240 млрд теңге қаржылай қолдауға ие болды. Оның 60 миллиарды қайтарымсыз субсидия.

Абзал Азаматұлы, Виктор Полянный

Соңғы жаңалықтар мен жаңартуларды жіберіп алмау үшін Qazaq24.com сайтынан бақылауды жалғастырыңыз, біз жағдайды қадағалап, ең өзекті ақпаратты ұсынамыз.