Ақмола облысында жол апатына кінәлі ер адам жүргізушіге бұрауышпен шабуыл жасады

АСТАНА, 2 тамыз – Sputnik. Ақмола облысы Ерейментау қаласында жол апатына кінәлі жүргізуші екінші көлік иесіне бұрағышпен шабуыл жасады, деп хабарлайды облыстық полиция департаменті.

Ерейментау ауданының полиция бөлімінде 43 жастағы жергілікті тұрғынға қатысты екі сотқа дейінгі тергеу басталды. Ол мас күйінде жол апатын жасап, басқа жүргізушіні бұрауышпен қорқытқан.

"Оқиға Ерейментау қаласы Абылай хан көшесінде болған. ВАЗ-2107 және Toyota Camry автокөліктері арасында кішігірім жол апаты болған. ВАЗ-2107 жүргізушісі көліктен шығып, қолына бұрауыш алып, жол апатының екінші қатысушысына бұрауышпен қорқытқан. Жәбірленуші дереу полицияға жүгінді", - дейді полицияда.

Оқиға орнына келген полиция қызметкерлері ВАЗ-2107 жүргізушісінің мас күйінде екенін анықтады. Сонымен қатар ол бұрын мас күйінде көлік жүргізгені үшін көлік құралдарын басқару құқығынан айырылған.

"Бұл факт бойынша полицейлер сотқа дейінгі екі тергеуді бастады. Қауіп төндіру фактісі және бұрын басқару құқығынан айырылған және мас күйінде рульге қайта отырған адамның көлік құралын басқаруы фактісі бойынша екі іс қозғалды", - дейді Ақмола облысының полиция департаменті.

Қазіргі уақытта тергеу жүріп жатыр.