Аққулар отбасы үшін жолдағы қозғалыс тоқтатылды. Видео Қазнетті толқытты

Қостанайлық полицейлердің жүректі елжіреткен әрекеті желіде тарады. Патрульдік полиция қызметкерлері аққуды балапандарымен бірге жолдан қауіпсіз өткізу үшін көлік қозғалысын тоқтатқан, деп хабарлайды Tengri Life.

Аққулар қозғалыс қарқынды тасжолдың ортасында қалып қойған - көліктердің толассыз ағыны құстардың жолдан өтуіне мұрша бермеді. Оларға полицейлер көмектест:: тәртіп сақшылары қозғалысты уақытша тоқтатып, аққулардың жолдың арғы бетіне аман-есен жетуіне жағдай жасады. Бұл видео әлеуметтік желіде тез тарап, қолданушылар оны кейінгі кездегі ең мейірімді бейнежазбалардың бірі деп атады.

Instagram-дағы бұл жарияланымды көру

kst_pulse_media (@kst_pulse_media) жарияланымы

"Бүгінгі күннің ең мейірімді видеосы", "Осындай жаңалықтар көбірек болса екен", "Еуропадағыдай жоғары деңгейдегі мәдениет деген осы", - деп жазды қолданушылар видео астына қалдырған пікірлерінде.

@kst_pulse_media

Күн видеосы: полицейлердің игі ісі қостанайлықтарды сүйсіндірді Дереккөз: Threads/maratkorea

♬ Idea 10 - Gibran Alcocer

Видеода Қостанай аудандық патрульдік полиция взводының инспекторы, полиция аға лейтенанты Әли Ерланұлы екені белгілі болды. Жеті жылдық қызмет өтілінде мұндай ерекше оқиға оның басынан алғаш рет өтіп отыр.

"Әріптесім Айдарбек Әлсейітовпен бірге патрульде жүріп, жол жиегіндегі балапандары бар аққуларды көргенде, балалық шағым есіме түсті. Аулымыздың маңына жыл құстары аққулар келіп қонғаны есімде. Ол кезде бала болсақ та, құстарды үркітпей, керісінше, олардың ары қарай аман-есен ұшып кетуіне көмектесетінбіз. Бүгін де еш ойланбастан көлік қозғалысын тоқтатып, аққулардың балапандарымен бірге жолдан қауіпсіз өтуіне мүмкіндік бердік. Біреулер үшін бұл небәрі бірнеше минут күту болса, біз үшін бұл сақталған өмір және әлемді біршама мейірімді етуге деген мүмкіндік", - деді Әли Ерланұлы.

Зоологтардың айтуынша, аққулар жолға түрлі себеппен шығуы мүмкін: жаңа су қоймасын іздеу кезінде, балапандарын қорғау мақсатында немесе жыртқыштардан қашқанда. Сондай-ақ ауа райы қолайсыз кезде құстар бағыт-бағдарынан жаңылып, көліктердің арасында қалып қоюы ықтимал, бұл олардың өміріне үлкен қауіп төндіреді.

Бұған дейін павлодарлық полицейдің балаға қамқорлығы әлеуметтік желіні тебіренткен болатын. Сол кезде жергілікті пабликтерде коммуналдық апаттан кейін су басқан жолдан полицей кішкентай баланы көтеріп өткізген видео тараған. Желі қолданушылары тәртіп сақшысының жанашырлығы мен бейжай қарамағанына тәнті болды. Пікір қалдырушылар оған адами қасиеті үшін алғыс айтып, бұл әрекетті халыққа қызмет етудің шынайы үлгісі деп атады.

Google News арқылы жаңалықтарымызды қадағалаңыз