АҚШ та жанармай бағасы өсті

АҚШ-тағы жанармай бағасының қымбаттығы бойынша Калифорния штаты көш бастап тұр.

Американдық автомобиль қауымдастығының мәліметінше, мұндағы АИ-92 маркалы бензиннің «Регулар 87» атты баламасының бір литрі 555 теңгеге бағаланады. Бұл Қазақстандағы орташа бағадан екі есе қымбат. Бұған өңірдегі жанармайға салынатын салықтар мен экологиялық төлемдер, таза отын стандартына қажетті химиялық қоспалар шығыны мен мұнай өңдеу зауыттарының оқшау орналасуы әсер еткен.

Ал екінші орында Гавайи штаты онда  жанармайдың бір литрі 537 теңге тұрады. Мұхиттың ортасында орналасқан бұл өңірде  тасымал құны жоғары. Баға қымбат елдер үштігін солтүстік-батыстағы Вашингтон штаты түйіндейді. Онда бір литр 532 теңге. Бұл аймақта мұнай өңдеу ауыттары аз әрі  салық мөлшерлемесі жоғары. Рейтингті литріне 478 теңге төлейтін Орегон штаты, 463 теңге төлейтін Аляска, 451 теңге төлейтін Невада штаты жалғайды. Айдахо, Аризона, Юта мен Пенсильвания штаттарында баға   400 теңге шамасында. Ал ел астанасында жанармай бағасы литріне 382 теңге болса, ірі мегаполис Нью-Йоркте -  378 теңге.

АҚШ штаттарындағы жанармай бағасы

Калифорния штаты - 555 теңге/л

Гавайи штаты - 537 теңге/л

Вашингтон штаты - 532 теңге/л

Орегон штаты - 478 теңге/л

Аляска штаты - 463 теңге/л

Невада штаты - 451 теңге/л

Айдахо - 415 теңге/л

Аризона - 415 теңге/л

Юта - 405 теңге/л

Пенсильвания - 392 теңге/л

Вашингтон қаласы - 382 теңге/л

Нью-Йорк қаласы -378 теңге/л

дереккөз: American Automobile Association, U.S. Energy Information Administration