АҚШ та электр энергиясының бағасы күрт өсті

Электр энергиясының бағасы өткен жылмен салыстырғанда 6,3 пайызға өскен, ал инфляция 2,4 пайызды құрап отыр.

Энергетикалық ақпарат юасқармасының мәліметтеріне қарағанда, желтоқсан айында елде электр энергиясына деген баға киловат-сағат үшін 12,82 центке, яғни 7,1 пайызға артты. Бұл мәліметтер экономика секторының электр энергиясын тұтынатын барлық саласын қамтып отыр. Олардың ішінде тұрғын үй, коммерция, өнеркәсіп, көлік сияқты салалар бар.

Price Futures Group компаниясының нарық талдаушысы Фил Флинн электр энергиясы бағасының өсуін ішінара нормативтік-құқықтық базада күн және жел энергетикасы сияқты жаңартылатын көздерге басымдық берілуімен түсіндірді.

Оның пікірінше, табиғи газ, көмір немесе атом энергетикасы секілді неғұрлым сенімді көздерге жеткілікті қолдау көрсетілмейді.

— Энергожүйе сенімді әрі арзан базалық қуат көздерінен айырылды, электр станцияларын жаңғырту, жаңа құбырлар салу іс жүзінде мүмкін болмай қалды, ал кей жағдайда табиғи газдың орнына электр энергиясын қолдану міндеттелді, — деді Флинн.

District of Columbia аймағында электр энергиясы бағасының өсімі өзге 50 штатпен салыстырғанда ең жоғары болды — 26,29%.

EIA деректеріне сәйкес, өткен жылмен салыстырғанда электр энергиясына жалпы шығын ең көп артқан 10 штат: Пенсильвания (+18,93%), Род-Айленд (+16,32%), Нью-Джерси (+15,74%), Мэн (+14,97%), Огайо (+14,45%), Мэриленд (+12,97%), Вашингтон (+12,24%), Калифорния (+12,18%), Индиана (+11,13%) және Нью-Йорк (+10,7%).

Бұған дейін өткен жылы АҚШ-тан кеткендер саны келгендерден көп болғаны хабарланған.