АҚШ вице президенті Украинадағы қақтығысты қалай реттеуге болатынын түсіндірді

АСТАНА, 7 сәуір – Sputnik. Украинадағы қақтығысты шешуге шынайы дипломатиялық күш-жігер арқылы қол жеткізу керек, деп мәлімдеді АҚШ вице-президенті Джей Ди Вэнс.

"Біз Украинадағы қақтығыста көптеген күрделі мәселе бар екенін түсінеміз. Бірақ оларды шешудің жолы - бір-бірімізбен диалог жүргізу және шынымен де тереңдетілген дипломатиялық жұмыс жүргізу", - деді Вэнс Венгрия премьер-министрі Виктор Орбанмен келіссөздерден кейінгі баспасөз мәслихатында.

Вэнстің айтуынша, Венгрия Ресей мен Украина арасындағы қақтығыс бойынша дана ұстанымды басшылыққа алып отыр.

"Венгрия билігі Ресей мен Украина арасындағы қақтығысқа қатысты даналық пен ақылдылық көрсеткен санаулы елдердің бірі болды", - деді Вэнс Будапешттегі баспасөз мәслихатында.

Осы кездесуден кейінгі баспасөз мәслихатында Венгрия премьер-министрі Виктор Орбан егер тараптар қажет деп санаса, Венгрия Украина бойынша АҚШ пен Ресей арасындағы саммитті өткізуге алаң ұсынуға дайын екенін мәлімдеді.