Ақтаудағы сарбаз қазасы бойынша ісі сотқа өтті

Ақтау гарнизонында болған қайғылы оқиғаға байланысты қылмыстық іс сотқа жолданды.

2026 жылдың 17 ақпанында әскери бөлім командирінің қызметтік міндеттеріне салғырт қарауы салдарынан мерзімді әскери қызметші Р. Жайғалиев қаза тапқан. Тергеу барысында командир жеке құрамды бақылау мен қарумен жұмыс істеу тәртібін қамтамасыз етуге қатысты жарғылар мен ведомстволық бұйрықтарда көзделген шараларды орындамағаны анықталды.

Әскери прокуратураның қадағалауы және жедел-тергеу тобының үйлесімді жұмысы нәтижесінде қысқа мерзімде жеткілікті дәлелдер жиналып, қажетті сот сараптамалары жүргізілді. Іс сотқа жолданды.

Сонымен қатар барлау-шабуыл батальонының командирі, оның орынбасары және рота командирі қызметтерінен босатылды. Тағы 10 лауазымды тұлға тәртіптік жауапкершілікке тартылды.

Бас әскери прокуратура әскери қызметшілердің қаза табуына әкеп соққан қылмыстар үшін жазаның бұлтартпастығын қамтамасыз ету жөніндегі жұмысты жалғастыратынын мәлімдеді.

Бүгін, 13:44