Ақтөбе облысында Білім. Дағды. Болашақ халықаралық форумы өтті

Qazaq24.com, 24.KZ дереккөзінен алынған мәліметтерге сүйене отырып түсініктеме береді..

Ақтөбе облысында кәсіптік-техникалық білім беретін 10 колледж шетелдік оқу орындарымен әріптестік меморандумға қол қойды.

Өңірде «Білім. Дағды. Болашақ» халықаралық форумы өтті. Техникалық және кәсіптік білім беру жүйесін дамыту, еңбек нарығының сұранысына сай жұмысшы кадрларды даярлау мәселелерін талқылады. Форумға арқау болған басты тақырыптың бірі – кәсіби-техникалық білім беруге жасанды интеллект пен инновациялық технологияларды енгізу. Себебі бұл әлемде қалыптасқан үрдіс. Сонымен қатар халықаралық аккредитация және жұмысшы мамандықтардың экономиканы дамытудағы стратегиялық рөлі, жастарды еңбек нарығына тиімді интеграциялау мәселелері талқыланады. Қытай, Франция, Жапония, Германия, Беларусь және Өзбекстаннан келген халықаралық сарапшылар кәсіби білім беруді дамытудың өзекті бағыттарын ұсынды.

Бұлбұл Күзембаева, Білім басқармасының басшысы:

- Екі күн бойы олар әрбір колледждерге өздерінің бағыттары бойынша ІТ бағыттар, техникалық бағыттар, дизайн бойынша колледждерге барып өздерінің семинарларын өткізді ұжымдарға. Шетелдік қонақтардан көп тәжірибе алмасып және алдағы уақытта олармен қандай ынтымақтастық орнатамыз сол бойынша меморандумға қол қойып келісімге келіп жатырмыз.

Өңірдегі кәсіптік білім беретін 10 колледж шетелдік оқу ордаларымен ынтымақтастық туралы меморандумға қол қойды. Болашақта тараптар бірлескен білім беру бағдарламасын қабылдап, академиялық ұтқырлықты дамытуға, оқытушылардың тәжірибе алмасып, халықаралық білім беру стандарттарын енгізуге кең мүмкіндік береді.

Сафар Усманов, Бұқара Энергетика және мұнай газ өнеркәсібі техникумының директоры:

- Бірінші кезекте студенттеріміздің академиялық ұтқырлығы, оқытушыларымыздың тағылымдамасы және тәжірибе алмасу мәселелерін қарастырамыз. Себебі қазақстандық әріптестеріміздің бұл бағыттағы тәжірибесі мол. Жергілікті оқу орындары халықаралық аккредитациядан өткен. Міне, осы тәжірибені біз Өзбекстанда жүзеге асырғымыз келеді.

Форум аясында ел Президентінің бастамасымен жарияланған «Жұмысшы мамандықтар» жылының салтанатты жабылу рәсімі өтті. Облыс әкімі Асхат Шахаров жұмысшы мамандарды оқытып, еңбек адамының беделін арттыруға елеулі үлес қосқан оқытушылардың марапаттады.

Авторлары: Мансұр Есқожин, Айнадин Молдабеков, Айбек Даутов

Жағдайды бақылауды жалғастырыңыз, Qazaq24.com әрқашан ең жаңа жаңалықтарды ұсынады.