Астанада 150 ге жуық жас суретші Абайдың портретін бір мезетте салды

АСТАНА, 7 тамыз – Sputnik. Астанада 150-ге тарта жас суретші Абай Құнанбайұлының портретін бір мезетте салды, деп хабарлайды елорда әкімдігінің ресми сайты.

Астана қаласы Білім басқармасының ұйымдастыруымен "10 тамыз – Абай күніне орай" қалада ұлы ақынның әдеби-рухани мұрасын насихаттауға арналған онкүндік іс-шаралар бастау алды. Соның аясында "Абай әлемі балалар көзімен" атты қалалық көркемсурет акциясы ұйымдастырылды.

© Photo : Астана қаласының әкімдігіАстанада 150-ге жуық жас суретші Абайдың портретін бір мезетте салды

Астанада 150-ге жуық жас суретші Абайдың портретін бір мезетте салды

© Photo : Астана қаласының әкімдігі

Іс-шара Махамбет Өтемісұлы атындағы Оқушылар сарайының алдындағы алаңда өтті.

"Акция барысында қаламыздағы жекеменшік қосымша білім беру ұйымдарының 150-ге тарта жас суретшісі бір мезетте Абайдың өмірі, шығармашылығы, табиғат лирикасы, қара сөздері мен рухани мұрасынан шабыт алып, қиялдарын шыңдады. Балалар өз туындылары арқылы Абай әлемін шығармашылық тұрғыдан бейнелеп, оның ұлт руханиятындағы орны мен тағылымын сурет өнері арқылы жеткізе білді", - деп жазылған хабарламада.

© Photo : Астана қаласының әкімдігіАстанада 150-ге жуық жас суретші Абайдың портретін бір мезетте салды

Астанада 150-ге жуық жас суретші Абайдың портретін бір мезетте салды

© Photo : Астана қаласының әкімдігі

Акция қорытындысы бойынша "Абай әлемі балалар көзімен" көркемсурет акциясына қатысушылардың үздік туындылары көпшілік назарына ұсынылады.

Іс-шара жас суретшілердің шығармашылық әлеуетін танытып қана қоймай, ұлы ақын Абай Құнанбайұлының әдеби және рухани мұрасын бейнелеу өнері арқылы насихаттауға мүмкіндік береді.