Астанада Жеңіс күніне арналған пойыздар жолға шықты

АСТАНА, 9 мамыр – Sputnik. 9 мамыр күні елордадағы теміржол вокзалынан Ұлы Жеңістің 81 жылдығына арналған мерекелік пойыздар сапарға аттанды, деп хабарлады ҚТЖ баспасөз қызметі.

© Photo : ҚТЖ баспасөз қызметіАстанада Жеңіс күніне арналған пойыздар жолға шықты

Астанада Жеңіс күніне арналған пойыздар жолға шықты

© Photo : ҚТЖ баспасөз қызметі

Атап айтқанда:

№9/10 "Астана – Алматы", №85/86 "Астана – Шымкент" бағытындағы "Тальго" пойыздары,

№6803/6804 "Астана – Атбасар", №7502/7501 "Астана – Павлодар", №7507/7508 "Астана – Көкшетау" электр пойыздары арнайы тақырыптық безендірумен жолға шықты.

Бұл бастама Ұлы Отан соғысында ерлік көрсеткен қазақстандық қаһармандардың рухына тағзым етуге арналады.

"Пойыз вагондарына қазақ халқының батыр перзенттері — Бауыржан Момышұлы, Рақымжан Қошқарбаев, Әлия Молдағұлова, Мәншүк Мәметова, Хиуаз Доспанова, Нүркен Әбдіров, Төлеуғали Әбдібеков, Сағадат Нұрмағамбетов, Қасым Қайсенов, Мәлік Ғабдуллин мен Талғат Бигелдиновтің портреттері орналастырылды", - деп жазылған хабарламада.

Тақырыптық безендірілген пойыздар мамыр айының соңына дейін қатынайды.