Астанадағы ТҮК те болған трагедия өрт сөндірушілердің өтуіне кедергі келтірген жүргізушіге айыппұл салынды

Астанада полицейлер өрт болған "Көркем-3" тұрғын үй кешені ауласына кірер жолды бөгеп тастаған көлік иесін жазалады, деп хабарлайды Tengrinews.kz тілшісі Полиция департаментіне сілтеме жасап.

Астанада полицейлер өрт болған "Көркем-3" тұрғын үй кешені ауласына кірер жолды бөгеп тастаған көлік иесін жазалады, деп хабарлайды Tengrinews.kz тілшісі Полиция департаментіне сілтеме жасап.

Полицейлердің мәліметінше, ережеге қайшы қойылған автокөлік оқиға орнынан дереу алынды.

"Жүргізуші анықталып, әкімшілік жауапкершілікке тартылды. Азаматтардың қауіпсіздігіне қатер төндіретін және шұғыл қызметтердің жұмысына кедергі келтіретін заңбұзушылықтар қатаң түрде тыйылады", - деп хабарлады департамент.

Tengrinews.kz тілшісіне жүргізуші Әкімшілік құқық бұзушылық туралы кодекстің 597-бабы "Көлік құралдарын тоқтату немесе тоқтап тұру қағидаларын бұзу" бойынша жазаланғаны хабарланды. Бұл бап бойынша 5 АЕК-тен (2026 жылы 21 625 теңге) 15 АЕК-ке (64 875 теңге) дейінгі мөлшерде айыппұл қарастырылған. Айыппұл көлемі құқық бұзушылықтың ауырлығына байланысты белгіленеді.

12 сәуірге қараған түні Астанадағы Түркістан көшесінде орналасқан 21 қабатты тұрғын үйдің 15-қабатындағы пәтерден өрт шықты. Пәтер ішінен үш баланың денесі табылды. Өртсөндірушілер бір әйелді құтқарып қалды, ол денесін күйік шалып, ауруханаға жатқызылды. Жоғарғы қабаттардан 20 адам эвакуацияланды, тағы 40-қа жуық тұрғын ғимараттан өз бетінше шығып үлгерді. Өрт дерегі бойынша сотқа дейінгі тергеп-тексеру басталды, тиісті сараптамалар тағайындалды.

Әлеуметтік желілерде көліктердің бірі өрт сөндіру машинасының жолын бөгеп тастағаны, соның салдарынан олар оқиға орнына уақытында жете алмағаны туралы ақпарат тараған болатын.

Threads-тен скриншот

Кейін Астана ТЖД тұрғын үй кешені ауласына кіреберіс темір қақпамен жабылып, аула іші автокөліктерге толғанын хабарлады.

Instagram-дағы бұл жарияланымды көру

Астана қаласы Төтенше жағдайлар департаментінің (@112astana) жарияланымы

Дүйсенбі, 13 сәуірде Астана денсаулық сақтау басқармасы өрттен зардап шеккен әйелдің жансақтау бөлімінде ауыр халде жатқанын хабарлады. Ол №1 көпбейінді қалалық ауруханаға жатқызылған.