Aston Martin қызметкерлерінің 20% ын қысқартуды жоспарлап отыр

Өткен жылғы қаржылық нәтижелерін жариялаған компания 2025 жылы салыққа дейінгі шығыны 363,9 миллион фунт стерлинг болатынын хабарлады. Өткен жылғы 289,1 млн фунтқа қарағанда шығынның өсуіне АҚШ тарифтері мен сұраныстың төмендеуі әсер етті.

— 2025 жылдың басында біз болашақ жоспарларды жүзеге асыру үшін қажетті ресурстарды қамтамасыз ету мақсатында ұйымдық өзгерістерді бастадық. 2025 жылдың соңында қосымша өзгерістер енгізу туралы қиын шешім қабылдауымызға тура келді. Соңғы бағдарлама біздің персоналдың 20%-ын жұмыстан шығаруға әкеледі, — деді компанияның басқарма төрағасы Лоуренс Стролл өз мәлімдемесінде.

Өткен жылы компания 170 қызметкерді жұмыстан шығарғанын хабарлаған еді, ал қазір қызметкерлер саны шамамен 3 мың адамды құрайды.

Бұдан бұрын Германияның Bosch компаниясы 13 мың жұмыс орнын қысқартатынын жазған едік. Осылайша, неміс инжиниринг алыбы еуропалық автомобиль нарығындағы дағдарыс созылып жатқандықтан, жұмыс орындарын қысқарту 2,5 миллиард еуро үнемдейді деп үміттенеді.