Атырау әуежайындағы жолаушының қол жүгінде бомба бар деген әзілі әуежай жұмысын тоқтатты

Атырау халықаралық әуежайында жолаушы тіркеу қызметкерлерінің қол жүгінің ішінде не бар деген сұрағына жауап ретінде бомба бар деп әзілдегеннен кейін рейстер уақытша тоқтатылды.

Әуежай қызметкерлері дереу әрекет етті: жолаушылар эвакуацияланды, әуежай аумағы қоршауға алынды және барлық рейстер уақытша тоқтатылды. Багажды тексеру және қауіпсіздікті қамтамасыз ету үшін оқиға орнына тиісті жедел қызметтер шақырылды.

Алдын ала мәлімет бойынша, қауіп расталмады. Тексеру жүргізіліп жатыр, жолаушы қауіпсіздікке төнетін қатер туралы жалған хабар бергені үшін жауапқа тартылады.

Құқық қорғау органдарының ресми жауабын күтіп отырмыз. 

Айгүл МАНСУРОВА

Бүгін, 10:51