Atyrau Oil & Gas 2026 халықаралық форумы өтеді

8-10 сәуір аралығында Атырау қаласында Atyrau Oil & Gas 2026 халықаралық көрмесі мен форумы өтеді.
Бұл туралы Kazakh Invest ұлттық компаниясы хабарлады. Іс-шара Солтүстік Каспий өңіріндегі мұнай-газ саласына арналған ірі халықаралық алаңдардың бірі саналады. Форумға халықаралық мұнай-газ компанияларының өкілдері, сервистік ұйымдар, жабдық өндірушілері мен салалық сарапшылар қатысады.

9 сәуірде форум аясында «Мұнай-газ химия кластерін және сабақтас секторларды дамытудағы арнайы экономикалық және индустриялық аймақтардың рөлі» тақырыбында стратегиялық сессия өтеді.

Бұл жиында Kazakh Invest компаниясының Атырау өңірі бойынша директоры Ержан Көлбаев арнайы экономикалық және индустриялық аймақтардың инвестиция тартудағы мүмкіндіктері туралы баяндама жасайды.

Ұйымдастырушылардың айтуынша, форум мұнай-газ саласындағы жаңа технологиялармен алмасу, инвестициялық жобаларды талқылау және халықаралық серіктестікті дамыту үшін маңызды алаң болмақ.