​Атырау тұрғындарына экологияны қолдау үшін жарықты бір сағатқа өшіру ұсынылды

Атырау тұрғындарын халықаралық «Жер сағаты» экологиялық акциясын қолдауға шақырады. 

Тұрғындарға бұл үндеуді өңірдің экология департаменті таратты.   

Акция 2026 жылы 28 наурызда сағат 20:30-дан 21:30-ға дейін өтеді. Осы уақытта ғимараттарда, кеңселерде, тұрғын үйлерде, сондай-ақ музейлер мен театрларда жарық пен электр құрылғыларын өшіру ұсынылады.

«Жер сағаты» — адамдарды бір сағатқа жарық пен электр құрылғыларын сөндіруге үндейтін жаһандық акция. Оның мақсаты — климаттың өзгеруі мәселесіне қоғам назарын аудару және энергия мен табиғи ресурстарды үнемдеп пайдаланудың маңыздылығын еске салу.

Атырау облысы бойынша Экология департаменті өңір тұрғындарын, мемлекеттік қызметкерлерді және кәсіпкерлерді экологиялық бастаманы қолдап, «Жер сағаты» акциясына белсене қатысуға шақырады.

Бүгін, 16:48