​Атырауда браконьерлер Жайық өзеніне тұзақ құрған

Дамбы пен Пешной аралының аралығында Жайық бойында жүргізушілер мен балықшылар мұздың жарықтарына қасақана қағылған шегелерге тап болды. 

Олардың бірнешеуі көліктің дөңгелектерін тесіп өткен. Кадрлардан металл заттарының өзен бойында мақсатты түрде орнатылғанын көруге болады.

Балық инспекциясының өкілі Олег Тушкановтың хабарлауынша, мұндай тұзақтарды браконьерлер қояды. Оның айтуынша, балық аулау ережесін бұзатындар өзеннің осы бөлігін және өздері пайдаланатын қауіпсіз маршруттарды жақсы біледі.

Нәтижесінде инспекторлар ғана емес, мұзға шығатын қарапайым қала тұрғындары да осы жағдайға ұшырайды. Абай болыңыздар.

Анастасия ШЕРСТЯНКИНА 

Әлеуметтік желіден алынған видео

Бүгін, 10:24