Аяғын жарақаттаған туристті құтқарушылар геолокация арқылы іздеді

Бүгін Алматы қаласының Медеу ауданында құтқарушыларға көмек сұраған шақыру келіп түсті. Оқиға Комби-2 маңында болған. 1990 жылы туған ер адам Богданович мұздығынан төмен түсіп келе жатып, аяғын жарақаттап алған.

Алматы қалалық ТЖД құтқару қызметінің және «Тұйықсу» жедел құтқару бекетінің мамандары дереу оқиға орнына аттанды. Байланыстың үздіксіз болуы мен геолокация деректерінің көмегімен зардап шеккен турист тез табылды.

Құтқарушылар ер адамды «Шымбұлақ» тау-шаңғы базасына дейін сәтті жеткізді. Медициналық көмек ұсынылғанымен, турист одан бас тартып, сапарын өз күшімен жалғастырған.

ТЖМ таулы аймақтарда қауіпсіздік шараларын қатаң сақтау қажеттігін еске салады.