Азамат Айтхожин Қазақстан хоккей федерациясының бас директоры болды

Бұл шешім федерацияның кезектен тыс республикалық конференциясында қабылданды. 

Спорт саласындағы басқарушылық тәжірибесі мол Азамат Айтхожин бірқатар ұйым мен ведомстволарда шешуші қызметтер атқарды. Оның ішінде Астана қаласы туризм және спорт департаменті дене шынықтыру және спорт басқармасының спорттық нысандар басшысы болып қызмет етті. Әр жылдары «Астана» футбол клубын басқарған, сондай-ақ Қазақстан футбол федерациясының Вице-президенті, Атқарушы директоры және бас хатшысы қызметін атқарды.

— Көпжылдық тәжірибесі мен спорт саласындағы кәсіби біліктілігінің жоғарылығы шайбалы хоккейдің Қазақстан Республикасында әрі қарайғы дамуы мен насихатталуына ықпал етеді, — деп жазылған хабарламада.

Сәкен Мұсайбеков өкілеттілігі оның «Барыс» хоккей клубының бас директоры қызметіне тағайындалуына байланысты мерзімінен бұрын тоқтатылды.