Бала өлімінен кейін бас дәрігер қызметінен қуылды

Жамбыл облысына қарасты Т.Рысқұлов ауданының орталық аудандық ауруханасында қазан айында болған 6 жасар баланың өлімінен кейін облыс әкімдігі арнайы жұмыс тобын құрып, жоспардан тыс тексеріс жүргізген, деп хабарлайды Egemen.kz.

Фото: pexels

«Жағдайға байланысты әкімдікте жұмыс тобы құрылды, біз жоспардан тыс тексеру өткіздік. Тексеруге тәуелсіз сарапшылар да тартылды. Сонымен қатар, Денсаулық сақтау министрлігінің Медициналық және фармацевтикалық бақылау комитетінің департаменті де тексеру жүргізді. Нәтижесінде бас дәрігер қызметінен босатылды», деді облыс әкімі Ербол Қарашөкеев.

Оқиғадан кейін басқа медициналық мекемелердің басшыларымен де жұмыс жүргізілген. Облыс әкімі жағдайдың өзінің жеке бақылауында екенін атап өтті.