Бейнежазбадағы расымен әкім Шымкенттегі төбелес үшін аудан басшысы жазаланды

Шымкенттің Қаратау ауданы әкімі футбол алаңындағы жанжалдан кейін қандай жауапкершілікке тартылғаны белгілі болды. Мән-жайды қалалық әкімдіктің баспасөз қызметі хабарлады, деп хабарлайды Tengrinews.kz.

Шымкенттің Қаратау ауданы әкімі футбол алаңындағы жанжалдан кейін қандай жауапкершілікке тартылғаны белгілі болды. Мән-жайды қалалық әкімдіктің баспасөз қызметі хабарлады, деп хабарлайды Tengrinews.kz.

Еске сала кетейік, биыл наурыздың басында әлеуметтік желілерде Шымкенттегі аудан әкімі болуы мүмкін ер адамның белгісіз біреуді бірнеше рет итеріп, соққыға жыққан сәті түсірілген видео тараған болатын.

Сол кезде қалалық әкімдіктің баспасөз қызметі бұл факт бойынша қызметтік тексеру жүргізілетінін және видеодағы жайттар расталса, шенеунікке қатысты тиісті шаралар қолданылатынын хабарлаған еді.

Қалалық әкімдіктің баспасөз қызметі видеодағы адамның шынымен де аудан әкімі екенін растады.

Сондай-ақ Қазақстанның Мемлекеттік қызмет істері агенттігінің әдеп жөніндегі комиссиясы Шымкенттің Қаратау ауданының әкімі Алмас Абаевқа қатысты оқиғаны қарағаны хабарланды.

Отырыс барысында қызметтік тексеру нәтижелері зерделеніп, Абаевтың түсініктемесі тыңдалған.

Баспасөз қызметі мәліметінше, комиссия зерттелген материалдарды ескере отырып, Шымкент әкіміне Абаевқа қатысты қызметіне толық сәйкес еместігі туралы ескерту түріндегі тәртіптік жаза қолдануды ұсыну туралы шешім қабылдады.

Шымкент әкімінің өкімі бойынша, Алмас Абаев тәртіптік жауапкершілікке тартылған.

Google News арқылы жаңалықтарымызды қадағалаңыз