Беларусьте қазақстандық офицердің соғыс жылдарында қаза тапқан атасының қабірі табылды

АСТАНА, 14 қазан – Sputnik. Қазақстандық офицер Беларусьте 1943 жылы қаза тапқан арғы атасының жерленген жерін тапты.
Майор Қазыбек Сейдахмет көп жылдар бойы атасы Мұхамеджан Жылқыбаевтың қай жерде жерленгенін білгісі келген.
Беларусь Қорғаныс министрлігінің хабарлауынша, отбасы оның 1943 жылы қазіргі Беларусь аумағында (нақтырақ айтқанда, Витебск облысында) шайқас кезінде қаза тапқанын білгенімен, жерленген нақты орны белгісіз болып келген.

2026 жылдың қазан айында ҰҚШҰ жаттығуларына аттанбас бұрын, офицер беларусьтік әріптестерінен көмек сұрады. Әскери қызметшілер мұрағат деректерін қарап шығып, Қызыл Әскер жауынгерінің жерленген жерін анықтады.
Қазақстандық майор өз атасының (арғы атасының) бейітіне өзі барып, тағзым етуге мүмкіндік алды.

"Бұл жай ғана жаттығу емес, сонымен қатар отбасымның тарихымен және арғы атамның ерлігімен рухани байланыс орнату мүмкіндігі", – деді майор беларусьтік әріптестеріне көрсеткен көмегі үшін алғыс айта отырып.