Блогер Ерболат Жанабылов сотта жылап жіберіп, кінәсін ішінара мойындады

Заңсыз кәсіпкерлікпен айналысты және қылмыстық жолмен алынған ақшаны заңдастырды деп айыпталған блогер Ерболат Жанәбілов сотта кінәсін ішінара мойындады. Бүгін сот оның жауаптарын тыңдады, деп хабарлайды Tengrinews.kz.

Заңсыз кәсіпкерлікпен айналысты және қылмыстық жолмен алынған ақшаны заңдастырды деп айыпталған блогер Ерболат Жанәбілов сотта кінәсін ішінара мойындады. Бүгін сот оның жауаптарын тыңдады, деп хабарлайды Tengrinews.kz.

Отырыс барысында Эльмира Төлегенова мен Ерболат Жанәбіловтердің адвокаты Гауһар Айтжанова қорғалушысының ұстанымын нақтылап, оның кінәсін толық немесе ішінара мойындайтынын сұрады. Жанәбілов кінәсін ішінара мойындайтынын мәлімдеді.

"Мен кінәмді ішінара мойындаймын. 214-бап бойынша мойындаймын, ал 218-бап бойынша мойындай алмаймын. Әкімшілік сот болған кезде бізге ештеңені түсіндірмеді, мұның дұрыс емес екенін, ережені бұзу екенін айтқан жоқ. Бізге тек: "Қол қойма, ертең қылмыстық іс болады" деді. Десе де, Ойын бизнесін реттеу комитетінде болған кезімде біз қол қоюға дайын едік. Мұндай істің қылмыстық деңгейге дейін ушығып кететінін білген жоқпын", - деді ол.

Анықтама: Блогерлерге 214-бап ("Заңсыз кәсіпкерлік") және 218-бап ("Қылмыстық жолмен алынған ақшаны және өзге мүлікті заңдастыру (жылыстату)") бойынша айып тағылып отыр.

Сотталушы өз сөзінде болып жатқан жағдайдың өзіне ғана емес, отбасына да ауыр тиіп жатқанын эмоциямен жеткізді. Оның айтуынша, ата-аналары, егде жастағы туыстары мен жақындары қатты күйзеліске түскен. Олардың кейбірінің денсаулығы сыр берген.

"Өзімнің және жұбайымның бүкіл елге күлкі болғанын қаламаймын. Тек біз ғана емес, бүкіл әулетіміз, ата-анамыз қиналып жүр. Анам, әкем бар, апта сайын ауруханаға түсетін әжем бар", - деді блогер.

Ерболат Жанәбілов жауап беру кезінде көз жасына ерік берді. Сол сәтте сот залында отырған жұбайы Эльмира Төлегенова да жылап жіберді.

"Жұбайымның жалғыз әжесі ғана қалды, ол кісі мүгедек, дұрыс жүре алмайды, жүрегі ауырады, демікпесі бар, жүрек ауруы өте күрделі. Жұбайымның ата-анасы жоқ - тек бір әжесі бар. Егер ертең ол кісіге бірдеңе болса, оған кім жауап береді?", - деді Жанәбілов.

Сондай-ақ, сотталушы өзінің өмір жолы туралы айтып, қарапайым отбасынан шыққанын атап өтті.

"Мен байдың баласы емеспін. 18 жыл бойы 13 шаршы метрде 6 адам тұратын жатақханада өмір сүрдім. Жұбайыммен де сол жатақханада таныстым. Ештеңеміз болған жоқ, бұл жолды бірге бастадық. Ал қазір бізді білмеймін, әйтеуір бір кісі өлтіруші, қылмыскер, алаяқ қылып көрсетіп жатыр. Бізді қалай көрсеткілері келсе, солай көрсетті. Осы 7 ай бойы біз үндемедік. Өйткені мұның бәрі ішімде жиналып қалды", - деді Жанәбілов.

Жанәбіовтің айтуынша, ол жағдайдың неге мұндай деңгейге жеткенін және неге дәл олардың отбасы қылмыстық тергеу нысанына айналғанын түсінбейді.

"Мені әлдебір қылмыскер қылып қойды" - блогер Ерболат Жаңабылов сотта сөз сөйледі

"Неге дәл біз екенін түсіне алмаймын. Бұл аналарымыз бен ата-аналарымызға өте ауыр тиіп жатыр. Мүмкін біреудің жолын кескен шығармыз, білмеймін. Менің орнымда кез келген адам болуы мүмкін. Бүгін болмаса, ертең. Тіпті жауыма да мұндай жағдайды және сот алдында осылай тұруды тілемеймін", - деді ол.

Бұған дейін судья блогер Жанәбіловке ескерту жасаған болатын.

Следите за нашими новостями в Google News