Болашақ стипендиясын 232 қазақстандық иеленді

Биылғы іріктеу қорытындысы бойынша 232 қазақстандық «Болашақ» халықаралық стипендиясына ие болды, – деп хабарлайды Aikyn.kz сайты.

Бұл туралы Шетелде кадрлар даярлау жөніндегі республикалық комиссияның отырысында белгілі болды.

Байқауға қатысушылар арасында бәсеке жоғары болған. Бір орынға орта есеппен бес үміткерден көп өтініш түскен.

Жаңа стипендия иегерлерінің:

179-ы магистратурада;

12-сі докторантурада;

1-еуі бакалавриатта білім алады;

40-ы шетелдік ұйымдарда кәсіби тағылымдамадан өтеді.

Бұдан бөлек, тағы 33 қазақстандыққа шетелдегі жетекші университеттер мен ғылыми-зерттеу орталықтарында ғылыми тағылымдамадан өту мүмкіндігі берілді.

Осылайша, жаңа стипендия иегерлері шетелде білім алып, кәсіби және ғылыми тәжірибесін жетілдіреді. Нақты тізім 27 тамызда, сағат 10:00-де шығады.