Бүгін ауа райы құбылмалы Қазгидромет

Синоптиктердің болжауынша, елдің басым бөлігінде атмосфералық фронтальды бөлімдердің әсерінен тұрақсыз ауа-райы сақталады. Дауыл тұрып, найзағай, бұршақ және жаңбыр жауады. Әсіресе солтүстік батыста қатты нөсерлетіп, ел бойынша тұман түседі. Барлық аумақта жел күшейіп, оңтүстікте шаңды дауыл болады.

Жетісу облысының солтүстігінде, шығысында, Абай облысының орталығында, Шығыс Қазақстан облысының оңтүстік-шығысында, Қызылорда облысының солтүстігінде жоғары өрт қаупі болжанған. Сондай-ақ Жетісу облысының оңтүстігінде төтенше өрт қаупі болуы мүмкін.

Айта кетейік, синоптиктер алдағы үш күнде ауа температурасы -2°C дейін төмендейтінін хабарлады.