Бүгін Қазақстан мен Ресейдің әуе кеңістігі уақытша жабылады

Фото: Роскосмос

Авиацияға арналған арнайы NOTAM хабарламаларына сәйкес, шектеулер Астана уақытымен 19:47-20:22 аралығында, яғни 35 минут бойы күшінде болады.

Байқоңыр ғарыш айлағынан жөндеу жұмыстарынан кейін алғаш рет зымыран ұшырылды

Шектеулер Қазақстан аумағымен қатар Ресейдің Сібір және Қиыр Шығыс өңірлеріне, соның ішінде Бурятия, Забайкалье, Тыва республикалары мен Иркутск облысына да қатысты. Сондай-ақ Красноярск аумағында 33 әуе бағытына уақытша шектеу енгізіледі.

Осылайша, ұшырылымға байланысты 4,1 мың шақырымнан астам әуе кеңістігі уақытша жабылады. Оның шамамен 2,5 мың шақырымы Ресей аумағына тиесілі.

«Байқоңыр» ғарыш айлағы әлемдік деңгейдегі туристік орталыққа айналады

«Союз МС-29» кемесінің экипажы құрамында ресейлік ғарышкерлер Петр Дубров, Анна Кикина және америкалық астронавт Анил Менон бар. Олар Халықаралық ғарыш станциясына ғылыми жабдықтарды жеткізіп, 38 ғылыми эксперимент жүргізеді.

Еске сала кетейік, бұған дейін «Союз МС-29» экипажы Байқоңырда дайындық жұмыстарын жүргізген болатын. Дайындық аясында «Роскосмос» ғарышкерлері мен NASA астронавтары скафандрларын киіп көріп, олардың герметикалық жағынан қалай екендігі бақылап көрді. Сондай-ақ экипаж ғарыш кемесінің жабдықтарын қарап, кабинадағы іс-қимыл алгоритмдерін тексеріп алды.