Депутат жолақының 500 теңгеге дейін көтерілуін абсурд деп атады

Мәжіліс депутаты Елнұр Бейсенбаев мұнай саласының сарапшысы Олжас Байділдиновтың қоғамдық көліктегі жолақы бағасын 500 теңгеге дейін қымбаттату туралы ұсынысына пікір білдірді, деп хабарлайды Arasha.kz.

— Бір сарапшы бар, ол мұнай мәселесіне де, саудаға да пікір білдіреді, енді көлік саласының да сарапшысы болып шықты.
Біз мынаны түсінуіміз керек: бұл қызмет түрінің 50%-дан астамы субсидияланады. Ал неге біз оны субсидиялаймыз? Себебі халықтың мүмкіндігін білеміз — қанша төлей алатынын, қашан төлей алатынын және олардың табысына сай қандай сома орынды екенін түсінеміз.
Сондықтан бұл сарапшының ұсынысын мен абсурд деп есептеймін. Оған солай жеткізіңіздер», - деді депутат.