Айына 2 ден 3,4 миллион теңгеге дейін Еңбекмині ең табысты бос жұмыс орындарын атады

Еңбек және халықты әлеуметтік қорғау министрлігі Enbek.kz электрондық еңбек биржасындағы бос жұмыс орындары туралы ақпарат ұсынды. Сондай-ақ онда қазақстандықтардың жалақы бойынша ұсыныстары мен үміттері туралы айтылды, - деп хабарлайды Tengrinews.kz министрлік сайтына сілтеме жасап.

Ведомство мәліметінше, өткен айда жұмыс берушілер 108,7 мың бос жұмыс орнын орналастырса, жұмыс іздеушілер 126,7 мың түйіндеме жариялаған.

Салалық құрылым бойынша сұраныс көшін білім беру саласы (19,2 мың бос жұмыс орны) бастап тұр. Сонымен қатар өзге де қызметтер көрсету саласында (16,5 мың), ауыл, орман және балық шаруашылығында (12,1 мың), денсаулық сақтау және әлеуметтік қызмет көрсету саласында (9,5 мың), сондай-ақ құрылыс (8,4 мың) және өңдеу өнеркәсібі (7,3 мың) салаларында да кадрларға сұраныс жоғары деңгейде сақталған.

Өңірлік бөліністе ең көп бос жұмыс орны Түркістан облысында (12,3 мың), Астанада (8,5 мың), Жамбыл облысында (7 мың) және Қарағанды облысында (6,7 мың) жарияланды.

Жоғары білікті мамандар бос орындардың 25 пайызында талап етіледі. Қалған бөлігі орта және төмен біліктіліктегі бос орындар арасында теңдей бөлінген.

Жұмыс іздеушілер арасында 35 жасқа дейінгі үміткерлер басым (барлық түйіндемелердің 49 пайызы), бұл алдыңғы айлардың көрсеткіштерінен айтарлықтай жоғары және нарыққа түлектердің шығуымен байланысты. 35-44 жас аралығындағы жұмыс іздеушілердің үлесі 25 пайызды, 45-54 жастағылар – 17 пайызды, 55 жастан асқандар – 9 пайызды құрайды. Жағдайлардың 55 пайызында жұмысты әйелдер, 45 пайызында ерлер іздейді.

Біліктілік деңгейі бойынша жұмыс күші ұсынысының құрылымы жалпы алғанда сұраныс құрылымымен сәйкес келеді.

Маусым айында ұсынылған жалақы деңгейі ең жоғары бос жұмыс орындарының арасында дивизион директоры (шамамен 1,98 миллион теңге), , басқарма бастығының орынбасары (шамамен 1,38 миллион теңге) және және ұңғымалар жөніндегі инженер (1,31 миллион теңге) лауазымдары ерекшеленеді..

Жұмыс іздеушілер арасында жалақы деңгейі бойынша ең жоғары күтілімдер ұшқыш (шамамен 3,4 миллион теңге), жүйелік архитектор (2,5 миллион теңге) және хирург дәрігер (2 миллион теңге).

«Маусым айындағы деректер мамырдағы бәсеңдеуден кейін платформадағы іскерлік белсенділіктің қалпына келгенін көрсетеді: сұраныс пен ұсыныс жыл басынан бергі ең жоғары көрсеткіштерге дейін өсті. Сұраныс құрылымы тұрақты болып қалуда – жұмыс берушілердің негізгі қажеттілігі әлеуметтік салаға, қызмет көрсету секторына және маусымдық салаларға шоғырланған, ал ұсыныс тарапынан жастардың, соның ішінде оқу орындары түлектерінің белсенділігі артты», — деп хабарлады Еңбек министрлігінен.

Жыл басынан бері платформада 604,4 мың бос жұмыс орны мен 736 мың түйіндеме орналастырылды.

Бұған дейін Қазақстан үкіметі Халықтың табысын арттырудың 2026–2029 жылдарға арналған кешенді жоспарын бекіткен болатын. Құжатта жалақы, жұмыс орындары, азық-түлік бағасы, салықтық жеңілдіктер, әлеуметтік қолдау және қазақстандықтардың борыштық жүктемесін азайту бойынша шаралар жазылған. Толығырақ материалдан оқыңыз.

Тағы оқыңыз: Жалақысы – миллион теңге. Қытайдағы шопан бос орны қызу талқыға түсті