Домбыраны салонға алып кіруге рұқсат етіледі: Қазақстанда әуе тасымалы ережелері өзгереді

Қазақстанда музыкалық аспаптарды ұшақ салонында алып жүру мәселесі заң жүзінде реттелмек. Бұл туралы Көлік вице-министрі Талғат Ластаев мәлімдеді.

Оның айтуынша, Азаматтық авиация комитеті тиісті түзетулерді әзірлеп жатыр. Жаңа нормалар барлық әуе компанияларына міндетті болады және процедураны «нақты әрі түсінікті» етеді.

Не өзгереді: 

Министрлік жолаушыларды, жүкті және багажды тасымалдаудың жалпы ережелеріне өзгерістер енгізеді. Бұл қазақстандықтарға музыкалық аспаптарды қол жүгінде еш қиындықсыз алып жүруге мүмкіндік береді. Әрине, аспаптың көлемі ескеріледі.

Қашан күшіне енеді: 

Егер шешім қабылданса, жаңартылған ережелер 2026 жылдың мамыр айында күшіне енеді. Осыдан кейін музыканттар өз аспаптарын салонға алып кіре алады.

Айта кетейік, бұған дейін Атырау мен басқа өңірлерде жолаушылар лоукостерлердің қол жүгінің өлшеміне қатысты қатаң талаптарына жиі шағымданған болатын.

Бүгін, 12:54