Дональд Трамп Иранға шабуыл жасаудың себептерін атады

Qazaq24.com, Egemen.KZ дереккөзінен алынған мәліметтерге сүйене отырып жаңалық жариялады..

АҚШ президенті Дональд Трамп Иранға қарсы әскери операцияның себептерін түсіндірді. Оның айтуынша, Иранның әрекеттері Америкаға, шетелдегі америкалық әскерилерге және одақтастарға қауіп төндірген. Трамп Иран ядролық қаруға ие болмауы тиіс екенін айтып, АҚШ бұл мақсатқа жету үшін қатаң шаралар қабылдайтынын мәлімдеді, деп хабарлайды Egemen.kz.

Telegram арналарының жазуынша, Иран 47 жыл бойы Америкаға қарсы ұран айтып, Таяу Шығыста түрлі қарулы топтарды қолдап отырған. Дональд Трамп 1983 жылы Ливан астанасы Бейрутте америкалық әскерилерге жасалған шабуылды және соңғы жылдары аймақта АҚШ күштеріне қарсы болған көптеген шабуылдарды еске алды. Сондай-ақ Иран қолдайтын ХАМАС-тың 7 қазанда Израильге жасаған шабуылын мысалға келтірді.

Президенттің сөзінше, басты қауіп – Иранның ядролық бағдарламасы мен алыс қашықтыққа ұшатын зымырандар жасау әрекеті. Оның пікірінше, мұндай қару болашақта АҚШ-тың одақтастарына ғана емес, тіпті Америка аумағына да қауіп төндіруі мүмкін.

Трамп Иран ешқашан ядролық қаруға ие болмауы керек айтты. Ол АҚШ Иранның зымыран өндірісін әлсіретіп, әскери әлеуетіне соққы беретінін жеткізді.

«Біз Иранның ядролық қаруға ие болуына жол бермейміз. Бұл – өте қарапайым үндеу. Олар ешқашан ядролық қаруға қол жеткізбейді», деп қосты ол.

Сонымен қатар, өткен жылы Иранның ядролық нысандарына жасалған шабуылдан кейін де Тегеран ядролық бағдарламасынан бас тартпағанын атап өтті. Оның сөзінше, АҚШ бұл жолы өз қауіпсіздігін қамтамасыз ету үшін батыл әрекет жасап отыр.

Айта кетейік, Израиль 28 ақпан, сенбі күні таңертең Иранға алдын ала соққы жасады. Шабуылды елдің қорғаныс министрі Исраэль Кац растады. Тегеран қаласында кемінде үш жарылыс болды.

Сондай-ақ Air Astana әуе компаниясы 28 ақпаннан бастап Таяу Шығыс бағытындағы барлық рейстердің тоқтатылғанын мәлімдеді.

Соңғы жаңалықтар